Wythnos Croeso i Dy Bleidlais 2025
Bob blwyddyn mae'r Comisiwn Etholiadol yn gofyn i ysgolion, colegau, grwpiau ieuenctid a phrifysgolion ddathlu democratiaeth drwy gyflwyno addysg ddemocrataidd i'w myfyrwyr a'u pobl ifanc.
Mae Wythnos Croeso i Dy Bleidlais yn digwydd o ddydd Llun 10 Mawrth i ddydd Sul 16 Mawrth 2025.
Y thema ar gyfer 2025 yw cadw'n wybodus a chymryd rhan.
Yn ystod Wythnos Croeso i Dy Bleidlais, cefnogwch bobl ifanc i gael mynediad at wybodaeth ddibynadwy er mwyn cael gwybod am wleidyddiaeth, democratiaeth ac etholiadau, a chymryd y camau cyntaf i gymryd rhan yn lleol.
Ymunwch â'r wythnos
Mae adnoddau addysg ar gael isod sy'n addas ar gyfer addysg yr wythnos hon ac addysg drwy gydol y flwyddyn.
Mae rhagor o wybodaeth am Wythnos Croeso i Dy Bleidlais ar gael ar wefan y Comisiwn Etholiadol.
Os oes gennych unrhyw gwestiynau am yr wythnos, cysylltwch ag educationengagement@electoralcommission.org.uk
