Sylwch fod cofrestriadau ar gyfer Ein Cenhedlaeth. Ein Pleidlais. bellach wedi cau a'r dyddiad cau ar gyfer pleidleisio oedd dydd Gwener 21ain o Fehefin. Bydd y canlyniadau yn cael eu darlledu ar ddydd Gwener 28ain o Fehefin. Bydd mwy o wybodaeth ar gael ar y dudalen hon ar y dyddiad hwnnw. Mae'r adnoddau addysgol yn dal i fod ar gael trwy'r Cynlluniau Gwaith isod.
Dywedodd pobl ifanc wrthym y gallant deimlo nad oes ganddynt unrhyw gysylltiad â gwleidyddiaeth, ond mae penderfyniadau gwleidyddol a wneir gan oedolion yn llywio eu bywydau yn uniongyrchol.
Rhaglen addysg llythrennedd gwleidyddol yw Ein Cenhedlaeth. Ein Pleidlais sy’n arwain at etholiad ar raddfa dorfol yn benodol ar gyfer pobl ifanc o dan 18 oed. Bydd yn cael ei chynnal ledled Cymru a Lloegr yn y cyfnod cyn etholiad cyffredinol y DU, drwy bartneriaeth o sefydliadau ar draws y sectorau democratiaeth ac addysg ieuenctid.
Mae’r prosiect rhad ac am ddim hwn yn gyfle cyffrous i gefnogi plant a phobl ifanc i ddweud eu dweud a rhannu eu barn ar y materion sy’n bwysig iddynt.
Bydd yn rhoi cyfle i blant a phobl ifanc fwrw pleidlais dros ymgeiswyr seneddol yn eu hardal. Byddwn yn darparu adnoddau, sesiynau sy’n gysylltiedig â’r cwricwlwm, gweithdai, digwyddiadau a maniffestos sydd wedi eu teilwra ar gyfer pobl ifanc i feithrin eu dealltwriaeth o’r broses wleidyddol.
** **
Cwestiynau? Cysylltwch â ni: team@ourgenerationourvote.org.uk
*Bydd y prosiect hwn, a’r holl adnoddau a gweithgareddau sydd ynghlwm, yn wleidyddol ddiduedd.
