Pleidleisio cyfrinachol

Mae'r cynllun gwaith hwn yn annog dysgwyr i feddwl am bwysigrwydd pleidleisio cyfrinachol o fewn democratiaeth. Ei nod yw cael pobl ifanc i feddwl am y gwahaniaethau rhwng barn a rennir yn gyhoeddus a barn a rennir yn breifat ac yn eu gwthio i ystyried pa berthnasedd y gallai hyn ei gael ar gyfer etholiadau democrataidd.

Mae'r cynllun gwaith yn cynnwys gwasanaeth, y gellir ei gyflwyno gan athro neu ddysgwyr, ac sy'n cynnwys gweithgaredd a gynlluniwyd i wneud i ddysgwyr fyfyrio ar sut mae eu hatebion i gwestiynau mawr yn newid os caniateir iddynt ateb yn gyfrinachol.

Crëwyd y cynllun gwaith gan Votes for Schools ac efallai y bydd athrawon am gyflwyno'r cynllun gwaith hwn ochr yn ochr â'r lleill yn eu rhaglen, sy'n cwmpasu gwahanol agweddau ar wleidyddiaeth ac etholiadau yn y DU.